११ जेठ २०८१ , शुक्रबार

सांस्कृतिक सहर, समृद्ध महानगर

अनलाईन कर भुक्तानी

सांस्कृतिक सहर, समृद्ध महानगर

काठमाडौँ महानगरपालिका
नगर कार्यपालिकाको कार्यालय, वाग्मती प्रदेश
श्रम बैंकमा आवद्ध हुने फारम सहभागितामूलक नीति तथा कार्यक्रम सुझाव संकलन पोर्टल

समाचार

गुनासो सुनुवाई प्रगतिको ट्र्याकिङ् र अद्यावधिक सम्बन्धी तालिम

काठमाडौँ । काठमाडौँ महानगरको सूचना प्रविधि विभागले कल सेन्टर (गुनासो व्यवस्थापन तथा सोधपुछ) का सम्पर्क अधिकारीलाई गुनासो सुनुवाईको प्रगति ट्र्याकिङ् र अद्यावधिक सम्बन्धी तालिम दिएको छ । विभाग र वडाबाट तोकिएका अधिकारीहरुलाई सभा गृहस्थित कम्प्युटर ल्यावमा ग्रिभान्सेस रिअड्रेसिङ् मेकानिज्यम सफ्टवेयरमा आधारित तालिम दिएको हो ।

यसअघि गुनासो सुन्ने कर्मचारीले अपनाउनु पर्ने सावधानी, उसमा हुनु पर्ने धैर्यता, गुनासोकर्ताले भनेका कुरा टिपोट गर्ने तथा सफ्टवेयर इन्ट्री गर्ने, गुनासो सम्बन्धित अधिकारीलाई पठाउने तरिका सिकाइ सकिएको छ ।

ad

अहिलेको चरणमा सम्पर्क अधिकारीलाई गुनासो हेर्ने, सुन्ने, कामसँग सम्बन्धित अधिकारीसँग गुनासो पु¥याउने, गुनासो गरिएको अवस्थाको तस्विर र सुधार भएपछिको तस्विर लिएर दाँज्ने तथा काम भएपछि समापन टिप्पणी (क्लोजिङ् स्टेटमेन्ट) विवरण लेख्ने तरिका सिकाइएको हो । तालिमका सहजकर्ता एवं परामर्शदाता नवराज गुरुङ्काअनुसार ‘अधिकारीहरुसँग गुनासो वा सुझावकर्ताले कुरा गर्न पाएको बेला लाइभ सर्भरबाट र  कुरा गर्न नपाएको बेला आवाज रेकर्ड गरेर कम्युनिकेसन सर्भरबाट गुनासो रेकर्ड गरिन्छ ।’

यस अघि सेन्टरमा १५ जनाको गुनासो एकै पटक सुन्न सक्ने क्षमताको १६६००१०५५११ टोलफ्रि सञ्चालन गरेका थियौँ । सूचना प्रविधि विभागका प्रमुख नमराज ढकाल भन्नुहुन्छ, ‘कोविडको समयमा परामर्श र सेवाका लािग सञ्चालन गरिएको ११८० नम्बरको टोलफ्रि पनि कल सेन्टरबाटै सञ्चालन तयारी अन्तिम चरणमा पु¥याएका छौँ ।’

महानगरपालिकाले जेठ २४ गतेदेखि कल सेन्टर (गुनासो व्यवस्थापन तथा सोधपुछ केन्द्र) सञ्चालनमा ल्याएको हो । त्यसयता आजसम्ममा ४ हजार ५ सय ३९ गुनासा, ४ हजार १ सय २८ गुनासा टिपोट योग्य छन् ।

Source : http://metronews.kathmandu.gov.np/